თბილისის საქალაქო სასამართლოს ინფორმაციით, მათგან ინფორმაციის გაჟონვაზე ქალთა სექსუალურ შევიწროებაში დადანაშაულებულმა ზვიად დევდარიანმა და მისმა ადვოკატმა ცრუ ინფორმაცია გაავრცელეს. საქმე ეხება დევდარიანის სარჩელის არ მიღების შესახებ გავრცელებულ ინფორმაციას.

"ზვიად დევდარიანისა და მისი რწმუნებულის განცხადებების ქვეტექსტი, თითქოს სასამართლომ არაოფიციალურად, უკანონოდ და დარღვევით გასცა ინფორმაცია, არ შეესაბამება სინამდვილეს და არის სრული დეზინფორმაცია. სასამართლოს მხრიდან ინფორმაცია გაიცემა მხოლოდ კანონით დადგენილი ფორმითა და წესით", - აღნიშნულია სასამართლოს განცხადებაში.

სასამართლო ზვიად დევდარიანსა და მის ადვოკატს მოუწოდებს, რომ მეტი ყურადღება გამოიჩინონ და დაუზუსტებელი და მცდარი ინფორმაციის გავრცელების ნაცვლად, სასამართლოს მოხელის მხრიდან კონკრეტული გადაცდომის შესახებ ინფორმაციის არსებობისას, მიმართონ შესაბამის ორგანოს.

ამავე თემაზე: