პარლამენტში მოსმენისას პრემიერობის კანდიდატმა, მამუკა ბახტაძემ განაცხადა, რომ მთავრობა უნდა იყოს ორიენტირებული რეალური პრობლემის გადაწყვეტაზე. მისივე თქმით, პრობლემების ეფექტურად მოგვარების წინაპირობა მმართველობითი ორგანოებში ეფექტურობის გაზრდაა.

"დღეს ჩვენი მმართველობით ორგანოები საჭიროებენ მეტ ეფექტურობას, მეტ ოპერატიულობას. განსაკუთრებით იმ საკითხში რასაც ქვია ოპერატიული გადაწყვეტილების მიღებიდან იმ კონკრეტულ ვადამდე, როდესაც ამ გადაწვეტილებიდან გამომდინარე არსებული სერვისი და სიკეთე მივა თითოეულ მოქალაქემდე", - განაცხადა ბახტაძემ.

ბახტაძის თქმით, მცირე მთავრობის კონცეფცია აუცილებელი წინაპირობაა იმისთვის, რომ სწრაფად და ეფექტურად განხორციელდეს წარმოდგენილი პროგრამა.

19 ივნისს კომიტეტების გაერთიანებულ სხდომებზე მინისტორბისა და პრემიერ-მინისტრობის კანდიდატებს უსმენდნენ. პრემიერობის კანდიდატმა 2018-2020 წლების სამთავრობო გეგმა წარადგინა.

ბახტაძემ განაცხადა, ამჟამინდელი მთავრობა ძველი შემადგენლობით არის დროებით. რამდენიმე კვირაში მომზადდება კანონპროექტი და სამინისტროების რაოდენობა 14-დან 11-მდე შემცირდება. ბახტაძის თქმით, მინისტრთა ახალი კაბინეტი სწორედ ამ პერიოდში დასახელდება.

გაიგეთ მეტი: მამუკა ბახტაძის ხედვა ბიზნესგარემოს განვითარებისთვის