პოლიტიკური პარტია გირჩი 40 კილოგრამი ღორის მწვადის მიწოდებაზე ღია ტენდერს აცხადებს. ამის შესახებ გირჩის ფეისბუქგვერდზე დაპოსტეს.

როგორც გირჩის წევრმა, ნიკა ობოლაძემ On.ge-ს განუცხადა, მწვადი პარტიული ყრილობისთვის სჭირდებათ, რომელიც შაბათს, 23 ივნისს, 16 საათზე გაიმართება.

ტენდერის მოთხოვნებით, ღორის მწვადის ფასი უნდა იყოს დაბალი, ხარისხი კი - მაღალი. გირჩი მოუწოდებს მხარდამჭერებს, კომენტარებში მონიშნონ რესტორნები, რომლებსაც რეკომენდაციას გაუწევენ.