თბილისის სააპელაციო სასამართლომ გაიზიარა თბილისის საქალაქო სასამართლოს განაჩენი და მსახიობი გიორგი გიორგანაშვილი (ბახალა) დამნაშავედ მიიჩნია. ამის შესახებ On.ge-ს ინფორმაცია თბილისის სააპელაციო სასამართლოში დაუდასტურეს.

2018 წლის 23 იანვარს თბილისის საქალაქო სასამართლომ ბახალას 0,3726 გრამი ბუპრენორფინის ფლობისთვის 8-წლიანი პატიმრობა მიუსაჯა. მის დაკავებას საზოგადოებრივი პროტესტი მოყვა, რადგან ბახალა ამტკიცებდა, რომ მას ნარკოტიკი სამართალდამცავებმა ჩაუდეს.

გარდა ამისა, ორგანიზებული ჯგუფების მიერ ნარკოტიკული საშუალებების უკანონო შეძენა-შენახვასა და ქვეყანაში შემოტანაზე კიდევ ერთი ბრალი წაუყენა. დანაშაული ითვალისწინებს 20 წლამდე ან უვადო თავისუფლების აღკვეთას.