რა დაზიანდა 19 ივნისის წვიმის დროს თბილისში

თბილისში 19 ივნისის წვიმის დროს რამდენიმე ადგილი დაზიანდა. არსებული მდგომარეობის შესახებ ინფორმაცია თბილისის მერმა, კახა კალაძემ ფეისბუქზე გაავრცელა.

"აქ [გიორგიწმინდაში] მიმდინარეობდა როგორც საგზაო, ისე ხიდის ინფრასტრუქტურული სამუშაოები. გაკეთებული იყო შემოვლითი გზა, რომელიც უხვმა ნალექმა და ადიდებულმა მდინარემ მოანგრია", - აღნიშნულია მერის მიერ გავრცელებულ განცხადებაში.

მისი ინფორმაციით, დაზარალებულია ერთი ოჯახი, რომელსაც გაუნადგურდა საშენი მასალები.

"შემოვლითი გზის აღდგენის სამუშაოები დაწყებულია და დილისთვის დასრულებული იქნება. ხიდის სამუშაოებიც ჩვეულ რეჟიმში გაგრძელდება", - აღნიშნავს კალაძე.

მისი თქმით, მცირე ზიანი იყო სხვადასხვა რაიონშიც, მათ შორის ისანში, ისევ დაიტბორა ახმეტელის მეტროს მიმდებარე ტერიტორია და კლდე ჩამოიშალა მარნეულისკენ მიმავალ გზაზე.

ამავე თემაზე:

ბოლო ამბები:

გირჩევთ