ტეხასში მცხოვრები კაცი არმანდო კოლუნგა წარმოშობით მექსიკიდანაა, თუმცა ამერიკის მოქალაქეა. ის ახალ ამბებს უყურებდა, როდესაც შეიტყო, რომ პოლიციელებმა სატვირთო მანქანა გააჩერეს, რომლის უკანა ნაწილშიც დოკუმენტაციის გარეშე მყოფი 54 მიგრანტი აღმოაჩინეს.

არალეგალები, რომლებიც მექსიკიდან იყვნენ, დააპატიმრეს. ისინი მიწაზე ისხდნენ და სამართალდამცავებს ელოდნენ, რომ დაეკითხათ და სხვა ადგილას გადაეყვანათ.

კოლუნგამ იგრძნო, რომ უნდა ემოქმედა და ადგილზე წავიდა. გზად მან რესტორანს ჩაუარა, სადაც პიცები იყიდა.

"ვინ იცის, რამდენ ხანს მოუწევდათ მათ ასე ყოფნა?" - თქვა მან და დასძინა, რომ გზაში მხოლოდ იმაზე დარდობდა, მისცემდნენ თუ არა პოლიციელები მათთვის პიცების გადაცემის უფლებას.

თუმცა ადგილზე მისულ კოლუნგას დეტექტივებმა ყვითელი ლენტით შემოვლებულ ადგილზე შესვლის უფლება მისცეს, თუმცა უთხრეს, რომ ვალდებული არ იყო, ეს გაეკეთებინა.

"ვუთხარი, რომ ვალდებული არ ვიყავი, მაგრამ ისინიც ჩემი ქვეყნიდან იყვნენ. მხოლოდ იმაზე ვფიქრობდი, ეყოფოდათ თუ არა 7 პიცა", - ამბობს კეთილი მექსიკელი.

კოლუნგას თქმით, მიგრანტებს წყალი ჰქონდათ, თუმცა საჭმელი არა. მან დასძინა, რომ მათ პიცას მაინც გადასცემდა, თუნდაც ადგილზე მისულს სხვა ეროვნების მიგრანტები დახვედროდნენ.