აზერბაიჯანში, თავდაცვის სამინისტროს კუთვნილ სამხედრო საწარმო Araz-ში, რომელიც შირვანში მდებარეობს, ცოტა ხნის წინ აფეთქების ხმა ისმოდა, რის შემდეგაც ძლიერი ხანძარი გაჩნდა. მიმდებარე დასახლებიდან ამ წუთებშიც მიმდინარეობს მოსახლეობის ევაკუაცია.

აზერბაიჯანული სააგენტო Oxu.az-ის ინფორმაციით, ხანძარი იმდენად ძლიერია, რომ მეხანძრეები ჯერ მიახლოებას ვერ ახერხებენ, ხანძრის ჩაქრობის ოპერაციაში მონაწილეობს ვერტმფრენიც.

რუსული სააგენტო ინტერფაქსის ცნობით, არიან დაღუპულები და დაშავებულები. მომხდარის მიზეზები ამ ეტაპზე უცნობია.