შინაგან საქმეთა სამინისტროს განცხადებით, გადაუდებელი დახმარების ოპერატიული მართვის ცენტრ 112-ში, პროგრამული ხარვეზის გამო, ზარების მიღება დროებით შეფერხებულია.

შსს-ს ცნობით, 112-ის პროგრამისტთა ჯგუფი ინტენსიურად მუშაობს პრობლემის აღმოსაფხვრელად და აღნიშნული ხარვეზი უმოკლეს დროში გამოსწორდება.

"მოსახლეობას მოვუწოდებთ, გადაუდებელი შემთხვევისას მოგვწერონ 112-ის ფეისბუქის გვერდზე, პირადი შეტყობინების სახით", - ნათქვამია შსს-ს განცხადებაში.