საპატრულო პოლიციის დეპარტამენტის ხელმძღვანელმა თეიმურაზ კუპატაძემ დააზუსტა იმ პირების ზუსტი რაოდენობა, რომლებიც საქართველოს პარლამენტის წინ დააკავეს. კუპატაძის თქმით, ადმინისტრაციული წესით დაკავებულია არ ხუთი, არამედ სამი ადამიანი.

კუპატაძის განმარტებით, აქციაზე მოძრაობენ სხვადასხვა მოსაზრების ადამიანები, რომლებიც არიან ნასვამ მდგომარეობაში.

კუპატაძის თქმით, ისინი შედიან კარავში და აქვთ გაუგებრობა სასმელზე და სხვა საკითხებზე.

"ერთ-ერთი ასეთი ჩხუბის დროს ჩვენ შევედით. ერთ-ერთი ფორმიანი მოქალაქე განმარტავდა თუ რა მოხდა. ჩვენ ვუთხარით, რომ დაკითხვაზე წამოსულიყო, რასაც წინააღმდეგობა მოჰყვა", - განმარტავს კუპატაძე.

აქციის მონაწილეების განცხადებით კი შსს მათ პროვოკაციებს უწყობს და კარავში უგზავნის ადამიანებს, რომლებიც პროვოკაციებს ქმნიან.