ხორავას ქუჩაზე მოკლული დავით სარალიძის მამის ზაზა სარალიძის თქმით, მერაბ მორჩაძის შესახებ, რომელიც მოწმეზე ზემოქმედების ბრალდებით დააკავეს, არაფერი სმენია.

ზაზა სარალიძის განცხადებით, ხელისუფლება მას ეთამაშება.

"ვთხოვ შინაგან საქმეთა სამინისტროს მორჩნენ სისულელეებს და ნორმალური გამოძიება ჩაატარონ. მე აქ ვითხოვ კონკრეტული პირების დაკავებას და არა "ზღაპარ იყოს" აღმოჩენას", - განაცხადა ზაზა სარალიძემ ტელეკომპანია პირველის ეთერში.

მისი თქმით, საქმის პროკურორმა ზვიად ფხაკაძე უთხრა მას, რომ გამოავლენდა იმ პირებს, რომელიც საქმის მთავარ მოწმეზე ზეწოლას ახდენდა.

"მერაბ მორჩაძის გვარი პირველად მესმის. მე უკვე დავასახელე კონკრეტული გვარები, მაგრამ მე ჩემი შვილის მკვლელის დაკავებას ვითხოვ. ეს დაკავება არაფერს არ ცვლის", - განაცხადა ზაზა სარალიძე.

შსს-მ, ხორავას ქუჩაზე მკვლელობის საქმეში, მოწმეებზე ზემოქმედების ბრალდებით, 1973 წელს დაბადებული მერაბ მორჩაძე დააკავა.