ერევანში, დამფუძნებელთა პარლამენტის წევრმა და საკოორდინაციო ჯგუფის ხელმძღვანელმა, ალეკ ენიგომშიანმა ხორენაცის ქუჩაზე გამართულ პრესკონფერენციაზე განაცხადა, რომ უკვე 10 საათი გავიდა მას შემდეგ, რაც პოლიციის შენობაში მყოფ თავდამსხმელებს ესაუბრნენ, რადგან კავშირის ყველანაირი საშუალება გათიშულია. ინფორმაციას Ekhokavkaza ავრცელებს.

ენიგომშიანი ამბობს, რომ შენობაში ელექტროენერგია გათიშულია და მიუხედავად იმისა, რომ იქ მყოფი ერთი პირი დაჭრილია, მას სამედიცინო დახმარება არ უტარდება:

"მათ არ აქვთ საკვები. ეს მთავრობის მიერ გადადგმული ნაბიჯების შედეგია, რაც სიტუაციის გამწვავებისკენაა მიმართული. თუმცა, რეჟიმი ამით არ კმაყოფილდება: თუმცა, ის ამბობს, რომ მოლაპარაკების პოზიტიურ ატმოსფეროში გაგრძელება სურს".

ენიგომშიანმა ასევე განაცხადა, რომ გუშინდელი ღამიდან სიტუაცია დაიძაბა, იყო კედლის ჩამტვრევის მცდელობაც. მან განმარტა, რომ ხელისუფლების ნაბიჯები მიუთითებს იმაზე, რომ ის თავდამსხმელებთან მოლაპარაკებაზე წასვლას აღარ აპირებს:

"დღეს დილას კი სამხედრო ვერტმფრენი ძალიან დაბალ სიმაღლეზე დაფრინავდა, 10 წუთის წინ კი სნაიპერებმა თავიანთი ბინძური სამსახურის შესრულებაც დაიწყეს".

მან ასევე განაცხადა, რომ თუ საკვებთან და ელექტროენერგიასთან დაკავშირებული პრობლემა საღამომდე არ აღმოიფხვრება, ოპოზიციური მოძრაობის წარმომადგენლები შესაბამის გადაწყვეტილებებს მიიღებენ. ამისათვის საკოორდინაციო ჯგუფმა ხელისუფლებას დრო საღამოს 8 საათამდე მისცა და დაემუქრა მას, რომ ქვეყნის მასშტაბით სამოქალაქო დაუმორჩილებლობის კერებს შექმნის.

17 ივლისს ოპოზიციური მოძრაობის - დამფუძნებელთა პარლამენტის მეთაურის, ჟირაირა სეფილიანის გათავისუფლების მოთხოვნით შეიარაღებული დაჯგუფება პოლიციის შენობაში შეიჭრა და მძევლები აიყვანა. გარდაიცვალა 1 პოლიციელი.

გასული დღეების განმავლობაში შენობის მიმდებარედ აღნიშნული ჯგუფის მხარდამჭერები აქციას მართავდნენ, რის შედეგადაც მომიტინგეებსა და პოლიციელებს შორის რამდენიმე შეტაკებაც მოხდა. გავრცელებული ინფორმაციით, აღნიშნულის გამო 136 პირი დააკავეს.

სომხეთში მიმდინარე ამბოხის შესახებ დეტალურ ინფორმაციას შეგიძლიათ გაეცნოთ აქ: