"14 წლის, 13 ჭრილობა, 0 მკვლელი" - გრაფიტი თბილისის მერიის დაფინანსებული პროექტით დაიხატა, ხატვის უფლებაც უწყებაში გაიცა. ამის შესახებ On.ge-ს პროექტის ორგანიზატორმა საქართველოს ქუჩის ხელოვნების ფედერაციის დირექტორმა, ვასილ შურაძემ განუცხადა.

პროექტი რომ თბილისის მერიისგან არის დაფინანსებული, ამის შესახებ ინფორმაციას ადასტურებენ თბილისის მერიის პრესსამსახურიშიც. უწყებაში ამბობენ, პროექტი 2 ივნისს დაიწყო და საღებავები მათ იყიდეს. გრაფიტის ავტორ, სანდო ფაჩუაშვილის თქმით, მან იცოდა, რომ პროექტს თბილისის მერია აფინანსებდა.

პროექტის ორგანიზატორიც და დამფინანსებელიც აცხადებენ, რომ მხატვარი გრაფიტის შინაარსში თავისუფალი იყო.

გრაფიტს, რომელიც 4 ივნისს დახატეს დღეს, 5 ივნისს წარწერები უკვე წაშლილი აქვს.