მას შემდეგ, რაც ზაზა სარალიძემ ყველა ოპოზიციურ პარტიას გაერთიანებისა და სისტემის დანგრევისკენ მოუწოდა მან ხალხსაც მიმართა და სთხოვა ჩამოვიდნენ რეგიონებიდან, გაერთიანდენ და ჩამოშალონ სისტემა.

"არ უნდოდათ მშვიდობიანად? ახლა, მოვუხმობ მთელ საქართველოს. მივმართავ ყველა ადამიანს, ყველა პოლიტიკურ პარტიას, ყველა მოქალაქეს დავდგეთ ერთად და დავამხოთ ეს სისტემა."

სარალიძის თქმით, მიაწოდეს ინფორმაცია იმის შესახებ, რომ შინაგან საქმეთა სამინისტრო მისი და ზვიად კუპრავას გატაცებას გეგმავდა. მისივე თქმით, აქციის დასასრულს გამოჩნდნენ ადამიანები, რომლებმაც ხელი მოკიდეს და მის გაყვანა სცადეს.

სარალიძე აცხადებს, რომ ტყუილია ინფორმაცია იმის შესახებ, თითქოს ის და კუპრავა ერთამენთს დაუპირისპირდნენ.

ზაზა სარალიძემ რამდენიმე წუთის წინ განაცხადა, რომ თუ აქამდე მხოლოდ საზოგადოებას თხოვდა ახლა ყველა პოლიტიკურ პარტიას მოუწოდებს გაერთიანდნენ სისტემის დასანგრევად.

პარალელურად ზვიად კუპრავა ეროვნულ დემოკრატიული პარტიის ოფისში ოპოზიციური პარტიის წარმომადგენლებს ხვდება.