Ekhokavkaza-ს ინფორმაციით, ერევანში, ხელისუფლების წარმომადგენლებთან მოლაპარაკების შედეგად, პოლიციის შენობაში მყოფმა თავდამსხმელებმა 2 მძევალი გაათავისუფლეს. თუმცა, 2 მათგანი ისევ რჩება შენობაში, ამბოხებულებთან ერთად.

აღნიშნული მას შემდეგ მოხდა, რაც ხელისუფლება თავდამსხმელებს დასთანხმდა, რომ შენობის შეიგნით პრეს-ცენტრი შეიქმნას. ამბოხებულების განმარტებით, ისინი 2 მძევალს - სომხეთის პოლიციის ხელმძღვანელის მოადგილეს, ვარდან ეგიაზარიანსა და ერევნის პოლიციის მეთაურის მოადგილეს, ვალერი ოსიპიანს მას შემდეგ გაათავისუფლებენ, რაც აღნიშნული პრეს-ცენტრი ამუშავდება.

17 ივლისს ოპოზიციური მოძრაობის - დამფუძნებელთა პარლამენტის მეთაურის, ჟირაირა სეფილიანის გათავისუფლების მოთხოვნით შეიარაღებული დაჯგუფება პოლიციის შენობაში შეიჭრა და მძევლები აიყვანა. გარდაიცვალა 1 პოლიციელი.

გასული დღეების განმავლობაში შენობის მიმდებარედ აღნიშნული ჯგუფის მხარდამჭერები აქციას მართავდნენ, რის შედეგადაც მომიტინგეებსა და პოლიციელებს შორის რამდენიმე შეტაკებაც მოხდა. გავრცელებული ინფორმაციით, აღნიშნულის გამო 136 პირი დააკავეს.

სომხეთში მიმდინარე ამბოხის შესახებ დეტალურ ინფორმაციას შეგიძლიათ გაეცნოთ აქ: