საქართველოს მთავარი პროკურატურა ხორავას ქუჩაზე მოკლული დავით სარალიძის მამას, ზაზა სარალიძეს მედიის გარეშე შეხვედრას სთავაზობს, დაზარალებული წინააღმდეგია. პროკურატურის შეთავაზება დაზარალებულს უწყების პრესსამსახურის უფროსმა, ნათია სუხიშვილმა გააცნო.

პროკურატურაში ამბობენ, რომ შეხვედრაზე განხილული დეტალები მედიაში არ უნდა მოხვედეს.

საარალიძემ აღნიშნა, რომ არ აპირებს მედიის გარეშე შეხვედრაზე შესვლას. მანამდე მანვე დღეს, 31 მაისს, 19 მაისს აქცია დააანონსა.

თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს. კერძოდ, მუხლი განზრახ მკვლელობიდან მკვლელობის მცდელობად გადაკვალიფიცირდა.

დავით სარალიძის მკვლელობაში ბრალდებული გამოძიებას არ ჰყავს და დაკავებულს ედავებიან მხოლოდ განზრახ მკვლელობის მცდელობას.

საგანგებო ბრიფინგზე, მთავარმა პროკურორმა, ირაკლი შოთაძემ განაცხადა, რომ სასამართლოს განაჩენს არ იზიარებს და პროკურატურა მას გაასაჩივრებს. პროკურატურა გეგმავს საქმეში შვეიცარიელი ექსპერტები და უცხოელი, ცნობილი პროკურორები ჩართონ.

პარლამენტის თავმდჯომარემ, ირაკლი კობახიძემ განაცხადა, რომ საქმეზე საპარლამენტო საგამოძიებო კომისია შეიქმნება. ეს არის პირველი შემთხვევა, როდესაც სისხლის სამართლის დაუსრულებელ საქმეზე საპარლამენტო საგამოძიებო კომისია იქმნება.