დემნა გვასალიას დიზაინით შექმნილი ტანსაცმელი აქტუალობას არ კარგავს. ამჯერად, ბალენსიაგას კრეატიულმა დირექტორმა იმ ადამიანებზე იფიქრა, რომლებსაც სამსახურში დრესკოდი აქვს, თუმცა ეს წესები არ მოსწონს და დათანხმება უწევს.

ესპანურმა მოდის სახლმა ახალი დიზაინის ზედა გამოუშვა, სახელად T-Shirt Shirt, რომელიც შემოდგომის 2018 წლის კოლექციაში შედის.

ზუსტად ვერ გეტყვით, მაისურია თუ პერანგი - უფრო ორივე ერთად და მისი ფასი 1 290 დოლარია.

თუ ისეთ სამსახურში მუშაობთ, სადაც დრესკოდია და თან თქვენს უფროსთან გახუმრებაც გსურთ, ამ ზედას აუცილებლად იყიდით.