ერთიანი ნაციონალური მოძრაობის წარმომადგენელის სერგი კაპანაძის განცხადებით, საკონსტიტუციო სასამართლოში მიმდინარე პროცესი ძალიან მნიშვნელოვანია, რადგან საქმე გაფლანგვის მუხლით განიხილება:

„დღეს საკონსტიტუციო სასამართლო გიგი უგულავას საქმეს განიხილავს, რომელიც მეორე რეზონანსულ - კაბელების საქმესთანაა გაერთიანებული. საჩივრდება სისხლის სამართლის კოდექსის კონკრეტული 182-ე მუხლი, რომელიც გაფლანგვას ეხება".

მისივე მტკიცებით, გაფლანგვის მუხლი ბიძინა ივანიშვილის ხელისუფლების პირობებში პოლიტიკურ ინსტრუმენტად იქცა. ამ მუხლით ხდება პოლიტიკურ ოპონენტებთან ანგარიშსწორება:

"ვიმედოვნებთ, რომ ამას საკონსტუტიციო სასამართლო გაითვალისწინებს და კონკრეტულ გადაწყვეტილებას მიიღებს. აქვე მინდა ყველას გავახსენო, რომ ორჯერ უკვე საკონსტუტიციო სასამართლომ გიგი უგულავას საქმეზე სწორი გადაწყვეტილება მიიღო, როდესაც ის უკანონოდ, არაკონსტიტუციურად გაათავისუფლეს და როდესაც მისი წინასწარი პატიმრობა კონსტიტუციასთან შეუსაბამოდ გახანგრძლივდა".

საკონსტიტუციო სასამართლოში ორი სარჩელის ერთობლივი განხილვა მიმდინარეობს. გიგი უგულავასა და ე.წ. კაბელების საქმეზე ადვოკატები ითხოვენ ბათილად იცნოს თანხის გაფლანგვის შესახებ სისხლის სამართლის კოდექსის შესაბამისი მუხლი.