კანიე ვესტმა 85 000 დოლარად შეიძინა ვიტნი ჰიუსტონის აბაზანაში გადაღებულ ფოტო, სადაც ნარკოტიკები ჩანს. ის რეპერ Pusha T-ს ახალი ალბომის ყდად მის გამოყენებას აპირებს.

ვესტმა, რომელიც Pusha T-ს პროდიუსერიცაა, ფოტო თავის ტვიტერზე გამოაქვეყნა.

გავრცელებული ინფორმაციის მიხედვით, კანიემ ფოტო მას შემდეგ შეიძინა, რაც Pusha T-ს ახალი ალბომის მანამდე არსებული ყდა არ მოეწონა.

ფოტო ჰიუსტონის აბაზანაში 2006 წელს ოჯახის წევრმა ჩუმად გადაიღო, ის პოპ-მომღერლის გარდაცვალების შემდეგ გამოქვეყნდა.

"მას წინა ალბომის ყდა არ მოეწონა. შემდეგ შევიძინეთ სურათები და ახლა ყველა კმაყოფილია", - თქვა Pusha T-მ.