უმრავლესობის წევრის, გია ვოლსკის თქმით, რუსთავი 2-ის მიზანი საქართველოს მართლმადიდებელი ეკლესიის აგრესიისკენ მომწოდებელ ძალად წარმოჩენაა. ასე გამოეხმაურა ქართული ოცნების დეუტატი საპატრიარქოს მიერ რუსთავი 2-სთვის ბოიკოტის გამოცხადებას.

"საპატრიარქოს წარმოჩენა, როგორც აგრესიისკენ მომწოდებელი სტრუქტურის არის ის ჩანაფიქრი, რომელსაც ხშირ შემთხვევაში მიზნად ისახავს გარკვეული პროვოკაციული სიუჟეტები", - განაცხადა გია ვოლსკიმ რუსთავი 2-ის ეთერში.

გუშინ, 24 მაისს, საქართველოს მართლმადიდებელი ეკლესიის საპატრიარქომ სასულიერო პირებსა და თავიანთ მხარდამჭერებს მოუწოდა რუსთავი 2-თან ურთიერთობა შეწყვიტონ. ბოიკოტის შესახებ განცხადება საპატრიარქომ გიორგი გაბუნიას 22 მაისს გასული გადაცემის შემდეგ გაავრცელა. გადაცემის თემა "ცენზურის საფრთხე" და გამოხატვის თავისუფლების შესახებ ახალი საკანონმდებლო პაკეტი იყო. წამყვანს თვალსაჩინოებისთვის სტუდიაში მიტანილი ჰქონდა მხატვარ ლია უკლებას ნახატი "თვითმკვლელი ღვთისმშობელი", რომელსაც სათამაშო პისტოლეტი უჭირავს.

საპატრიარქოს განცხადებას მხარი დაუჭირა პატრიოტთა ალიანსმა და ბოიკოტი გამოუცხადა რუსთავი 2-ს.

გაიგეთ მეტი: