შსს: პირი, რომელიც ინგა გრიგოლიას ემუქრებოდა, დაკავებულია
![](http://rachel.on.ge/2018/05/19/13613637_594854200673891_4088348744668790777_o_5b0069f3e677f.jpg)
ფოტო: TV პირველი
პირი, რომელიც, ჟურნალისტ ინგა გრიგოლიას ემუქრებოდა დაკავებულია. ინფორმაცია ამის შესახებ On.ge-ს შინაგან საქმეთა სამინისტრომ დაუდასტურა.
რამდენიმე დღის წინ ჟურნალისტმა ფეისბუქზე დაწერა, რომ მას უკვე წლებია ემუქრებიან. საქმეზე გამოძიება სისხლის სამართლის კოდექსის 151-ე მუხლით დაიწყო. ამ მუხლით, სისხლისსამართლებრივი პასუხისმგებლობა მუქარისთვის დგება.
ინგა გრიგოლიას მიმართ მუქარის საქმე
გრიგოლიას თქმით, მის ტელეფონზე ზარები და შეტყობინებები 2011 წლიდან შედის, ურეკავს კაცი, რომელიც მაშინ ციხეში იყო და ეუბნება, რომ მისი შვილის მამაა (მისი შვილის მამა გარდაცვლილია). როგორც ჟურნალისტი ყვება, ეს კაცი ციხიდან 2013 წლის საყოველთაო ამნისტიის დროს გამოვიდა და გააგრძელა მასთან დარეკვა.
"იძულებული გავხდი, განცხადება დამეწერა პოლიციაში, რადგან რაღაც გაუგებარ ქონებას და ფულს მთხოვდა და იმუქრებოდა. ითხოვდა არარსებულ შვილთან შეხვედრას. ვიარე პოლიციაში, დაიწყო გამოძიება, გამომძიებლები მშვიდად მიხსნიდნენ, რომ ტიპი ამტკიცებდა, თითქოს ჩემი ქმარი იყო, რომელსაც ქონება წავართვი. ყველაზე გულისამრევი ის იყო, რომ როცა ამ ტიპის ჩვენებას მიკითხავდნენ,თან ისე იღრიჭებოდნენ, თითქოს ძალიან გასართობი ამბავი ხდებოდა", - აღნიშნავს გრიგოლია.
მისივე მონაყოლიდან ირკვევა, რომ ბოლო წერილი კაცმა გრიგოლიას TV პირველში დაუტოვა, რომელშიც ეწერა, რომ 20 მაისამდე ქონებას თუ არ დაუბრუნებს, სახლის კარს შეამტვრევს.
"არ ვიცი ამჯერად რითი დასრულდება ჩემი მიმართვა პოლიციის მიმართ, თუმცა კი ვიმედოვნებ. როგორც ზევით დავწერე, ხვალიდან შეიარაღებული ვივლი", - აღნიშნავს გრიგოლია.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები