დომინოს პიცა ავსტრალიასა და ახალ ზელანდიაში პიცის ადგილზე მიტანისთვის რობოტებს გამოიყენებს. საპილოტე პროგრამა ავსტრალიური სტარტ-აპის Marathon Robotics-ის მხარდაჭერით განხორციელდება.

DRU - Domino's Robotic Unit ოთხბორბლიანი მოწყობილობაა, რომლის სიმაღლე ერთ მეტრზე ნაკლებია. მას ჩამონტაჟებული აქვს თერმული განყოფილება, რომელიც 10 პიცას იტევს და ტემპერატურას უნარჩუნებს.

ენერგია ბატარიებით მიეწოდება, რომელიც პიცერიიდან 20 კმ.-ს რადიუსზე მისვლა-მოსვლაზე ჰყოფნის.

შეკვეთისას მომხმარებელი უნიკალურ კოდს მიიღებენ, რომელიც რობოტზე განთავსებული კლავიატურით უნდა შეიყვანონ სისტემაში და თავიანთი შეკვეთა მიიღონ.

ახალი ზელანდიისა და ავსტრალიის კანონმდებლები უკვე მუშაობენ შესაბამის ცვლილებებზე, რათა რობოტის გადაადგილება კანონით დაშვებული იყოს.