საქართველოს შინაგან საქმეთა მინისტრის, გიორგი გახარიას თქმით, საქართველოში ნარკოტიკების გავრცელების სამი წყარო და არხია. ამის შესახებ გახარიამ 18 მასის საქართველოს პარლამენტში დეპუტატებთან შეხვედრის დროს განაცხადა.

"პირველი, ეს გახლავთ ფონიჭალა და რეალურად მინდა გითხრათ, რომ ბოლო სამი თვის განმავლობაში 10-მდე კილოგრამი ჰეროინია იქედან ამოღებული და იქ, რეალურად, საკმაოდ ეფექტურად ვმუშაობთ მსხვილ კომპონენტზე. მეორე და ძალზედ სერიოზული გამოწვევა, ეს გახლავთ ინტერნეტსაშუალებით გავრცელება, ეს არის ყველაზე დიდი გამოწვევა და მესამე ეს გახლავთ კლუბური ნარკომანია", - თქვა შს მინისტრმა.

18 მაისს საქართველოს პარლამენტის დეპუტატები გიორგი გახარიას რამდენიმე საათის განმავლობაში უსმენდნენ. კითხვების ძირითადი ნაწილი კლუბებში ბასიანსა და გალერიში ჩატარებულ სპეცოპერაციასა და 12 და 13 მაისს თბილისში გამართულ აქციებს შეეხებოდა.

ამავე თემაზე: ბასიანსა და გალერიში ჩატარებული სპეცოპერაციის შედეგები - მოკლედ