ჩვენმა მკითხველმა უკვე იცის, რომ ქლოი ფელდმანმა, ტვიტერის მეშვეობით მოკლე აუდიო დაპოსტა, სადაც კომპიუტერით გენერირებული ხმა, მხოლოდ და მხოლოდ ერთ სიტყვას ამბობს.

ინტერნეტში ელვის სისწრაფით გავრცელებულმა პოსტმა კი მთელს მსოფლიოში, საზოგადოება ორად გაჰყო, რადგან ადამიანების ერთ ნაწილს Yanny (იანნი), მეორეს კი - Laurel (ლორელ) ესმის.

ორ სხვადასხვა ბანაკში გადანაწილებულმა მსოფლიომ, მოგვიანებით ლინგვისტი რეიჩელ გუტმანისგან განმარტებაც მოისმინა და გაიგო, თუ რატომ ესმის ზოგს "ლორელ" და ზოგს - "იანნი".

რა თქმა უნდა, აქტუალური თემა ცნობილ ადამიანებსაც მისწვდათ და მწერალმა სტივენ კინგმა საკუთარი პოზიცია დააფიქსირა.

ლორელის მოწინააღმდეგეებისთვის ძალიან კარგი ამბავი გვაქვს, რადგან ამერიკელი მწერალი, საკუთარ ტვიტერზე წერს, რომ მას იანნი ესმის.