უმრავლესობის დეპუტატის მამუკა მდინარაძის განცხადებით, კომიტეტების გაერთიანებულ სხდომაზე პარლამენტში შსს მინისტრს მოიწვევენ და მოუსმენენ. ამის შესახებ მამუკა მდინარაძემ ჟურნალისტებს თბილისში მიმდინარე მოვლენების კომენტირებისას განუცხადა.

მამუკა მდინარაძის კომენტარს საზოგადოებრივი მაუწყებელი ავრცელებს.

დეპუტატის თქმით, უმრავლესობას ინტენსიური კომუნიკაცია აქვს შინაგან საქმეთა მინისტრთან.

"მას ყველა კითხვაზე აქვს პასუხი და მზად არის ამომწურავი ინფორმაცია მიაწოდოსპარლამენტის წევრებს. ვგეგმავთ, პარლამენტში ჩავატაროთ იურიდიული, ადამიანის უფლებების დაცვის, თავდაცვისა და უშიშროების კომიტეტების გაერთიანებული სხდომა. მოვიწვევთ შინაგან საქმეთა მინისტრს და ნებისმიერ დეპუტატს, უმრავლესობის თუ ოპოზიციის წარმომადგენელს, საშუალება ექნება, უშუალოდ მინისტრისგან მოისმინოს პასუხები მათ მიერ დასმულ კითხვებზე, ჩატარებული ღონისძიების ნებისმიერ დეტალთან დაკავშირებით", -განაცხადა მამუკა მდინარაძემ.