საქართველოს სახალხო დამცველს ნინო ლომჯარიას სამართალდამცველებთან კითხვები აქვს. მას აინტერესებს, რატომ გახდა საჭირო უშუალოდ კლუბში განხორციელებულიყო სპეცოპერაცია იმ დროს, როდესაც იქ იმყოფებოდნენ ადამიანები.

"მე ვესაუბრე მათ განცხადებებზე, რასაც აკეთებდნენ ადამიანები ძალის გადამეტებაზე. რა თქმა უნდა, ინტერესის საგანს წარმოადგენდა, სად იყვნენ დაკავებულები, როგორც ადმინისტრაციული, ისე სისხლის სამართლის წესით", - განაცხადა ნინო ლომჯარიამ.

მისი თქმით, შინაგან საქმეთა სამინისტროში უთხრეს, რომ სპეცოპერაცია დაიგეგმა სასამართლოს განჩინებით. მათ ჰქონდათ ვიდეომასალები, რომ კლუბის ტერიტორიაზე საღდებოდა ნარკოტიკი და ამით ასაბუთებდნენ კლუბის ტერიტორიაზე შესვლას.

"აცხადებენ, რომ ყველა პოლიციელი იყო აღჭურვილი ვიდეოკამერით, შესაბამისად, მივმართავ ყველა ადამიანს, ვინც აცხადებს, რომ იყო ძალის გამოყენება, მოგვმართოს, ჩვენ ყველა საქმეს შევისწავლით“, – აცხადებს ნინო ლომჯარია.