რესტორნებს, ბარებსა და სხვა დაწესებულებებს უცნობი პირები თამბაქოს მოწევის ლიცენზიას სთავაზობენ. კერძოდ, მენეჯერებს და მეპატრონეებს ამცნობენ, რომ 15000 ლარის სანაცვლოდ დახურულ სივრცეში მოწევის უფლებას მოაპოვებინებენ. ამის შესახებ ინფორმაციას BM.GE ავრცელებს.

აღნიშნულთან დაკავშირებით On.ge ესაუბრა კანონის ინიციატორსა და ჯანდაცვის კომიტეტის თავმჯდომარეს აკაკი ზოიძეს. მისი თქმით, ეს თაღლითური სქემაა და დაწესებულებების მენეჯერები შეცდომაში შეჰყავთ:

"კანონი მსგავს გამონაკლისს არ ითვალისწინებს, ეს არის ტყუილი. თაღლითები სარგებლობენ რესტორნების და კაფეების მეპატრონეების არაინფორმირებულობით."

2018 წლის პირველი მაისიდან თამბაქოს და ელექტროსიგარეტის მოწევა სხვადასხვა დაწესებულებებში აიკრძალა, მათ შორის ბარებში, კლუბებსა და რესტორნებშიც. გამონაკლისის სახით მოწევა დაშვებულია სამორინეებსა და სიგარაბარებში.

შენობაში მოწევის დასაშვებად ლიცენზიის აღებას კანონი მხოლოდ სიგარაბარისთვის ითვალისწინებს. ლიცენზიას სიგარაბარებისთვის ფინანსთა სამინსიტრო 4 წლის ვადით გასცემს. კანონით აკრძალულია სიგარაბარის მოწყობის ნებართვის სხვა პირისთვის გადაცემა.

ამავე თემაზე: