თბილისის მერია C.T.Park-თან სასამართლო დავისთვის 800 000 ლარამდე თანხის დახარჯავს გეგმავს. შესაბამისი ბრძანება თბილისის მერმა, კახა კალაძემ 4 მაისს გამოსცა.

მერიაში აღნიშნავენ, რომ მათ მიმართა საერთაშორისო იურიდიულმა ფირმამ - Freshfields Bruckhaus Deringer-მა, რომელიც C.T.Park-ის ინტერესებს იცავს.

"ზემოაღნიშნული წერილების თანახმად, იმ შემთხვევაში, თუ დავა ვერ გადაწყდება მშვიდობიანი მოლაპარაკების გზით, შპს სი-ტი პარკი და მისი პარტნიორები დაიწყებენ საარბიტრაჟო პროცედურებს", - აღნიშნავენ მერიაში და დასძენენ, რომ მათ შესაბამისი კვალიფიკაციის მქონე კომპანიის მომსახურების შესყიდვა.

ფოტო: თბილისის მერია / On.ge

თბილისში მიმდინარე წლის 10 აპრილიდან C.T.Park თბილისის სატრანსპორტო კომპანიამ შეცვალა. როგორც ცნობილია სითი პარკი სასამართლო დავას აპირებს.

კომპანიასთან ხელშეკრულების გაწყვეტის შესახებ ინფორმაცია თბილისის მერმა 13 მარტს გაავრცელა. თბილისის ვიცე-მერის, ირაკლი ხმალაძის თქმით, C.T.Park-თან ხელშეკრულების შეწეყვეტის გამო, მერიას პირგასამტეხლო არ დაეკისრება:

"საჯარიმო თანხის გადახდა მხარეს მაშინ უწევს, როცა ხელშეკრულებას უსაფუძვლოდ წყვეტს, რაც ჩვენ შემთხვევაში არ მომხდარა. კომპანიამ დაარღვია ნაკისრი ვალდებულებები, შელახა მოქალაქეების უფლებები, აქედან გამომდინარე ჩვენ მივიღეთ გადაწყვეტილება ხელშეკრულების შეწყვეტაზე".