პრეზიდენტი გიორგი მარგველაშვილი პარლამენტის სხდომათა დარბაზის დატოვების შემდეგ დეპუტატების ოთახში შევიდა და ელოდება მისცემენ თუ არა დებატებში ჩართვის უფლებას.

ამ წუთებში პარლამენტის სხდომა გრძელდება და მიმდინარეობს დისკუსია. დეპუტატები პრეზიდენტის მიერ სხდომის პროტესტის ნიშნად დატოვებას აფასებენ.

როგორც On.ge-ს ჟურნალისტი პარლამენტიდან იუწყება, კენჭისყრაზე დააყენებენ საკითხს და ხმას მისცემენ დეპუტატები, შევიდეს თუ არა ცვლილევა რეგლამენტში

დეპუტატები აცხადებენ, რომ არაორდინარული მდგომარეობაა და რეგლამენტის დარღვევაა. ოპოზიცია აცხადებს, რომ პოლიტიკური ნება უნდა იყოს და ყველას მიეცეს კითხვებზე პასუხის გაცემის უფლება.

გიორგი მარგველაშვილმა მოითხოვა დასკვნით სიტყვამდე ეპასუხა დეპუტატებისთუს, რომლებიც მის ყოველწლიურ მოხსენებას აფასებდნენ. უარის მიღების შემდეგ მან სხდომა დატოვა.

პარლამენტის თავმჯდომარემ ირაკლი კობახიძემ გიორგი მარგველაშვილს უთხრა, რომ რეგლამენტით დებატები გათვალისიწნებული არ იყო.