გერმანიის ნაკრებისა და და მიუნხენის ბაიერნის ყოფილმა კაპიტანმა ოლივერ კანმა ბაიერნის მეკარე სვენ ულრაიხი გაამხნევა. მიუნხენელთა მეკარემ ჩემპიონთა ლიგის ნახევარფინალურ შეხვედრაში შეცდომა დაუშვა და ბენზემას გოლის გატანის საშუალება მისცა.

შეხვედრის მეორე ნახევარში ბაიერნის მეკარე სვენ ულრაიხს ბურთი დაუგორეს, ულრაიხმა ჯერ ბურთის ხელში აღება გადაწყვიტა, თუმცა შემდეგ გაახსენდა, რომ ამის უფლება არ ჰქონდა და მოგერიებაზე გადაერთო, თუმცა წამის მეათედებში ამდენი გადაწყვეტილების მიღებაზე სხეულს შესაბამისი რეაქცია ჰქონდა და მან ბურთს ფეხი ააცილა.

"აშკარაა, რომ იგი ორ რამეზე ფიქრობდა, თავიდან ბურთის ხელში აღება სურდა, თუმცა შემდეგ კი მოგერიება. მსგავსი რამეები ხდება ხოლმე. მეც სწორედ რეალის წინააღმდეგ დამემართა. ასეთი მომენტების მომდევნო დღეს გათენება აღარ გინდა", - აღნიშნა ოლივერ კანმა.