NDI-ის კვლევის მიხედვით, მოსახლეობის 44 პროცენტი მიიჩნევს, რომ ცენტრალურ ხელისუფლებაში კორუფციის პრობლემაა. ამ მოსაზრებას არ იზიარებს გამოკითხული მოსახლეობის 29 პროცენტი, მოსახლეობის დანარჩენი ნაწილი კი ამბობს, რომ "არ იცის".

პროცენტულად, მოსახლეობის შედარებით მცირე ნაწილი მიიჩნევს, რომ მათ ადგილობრივ ხელისუფლებაში კორუფციის პრობლემა არსებობს. კორუფციის არსებობის შესახებ 35 პროცენტი დადებით პასუხს სცემს, 40 კი - უარყოფითს, "არ იცის" - 24-მა პროცენტმა.

თუკი ცენტრალურ და ადგილობრივ ხელისუფლებაში კორუფციის არსებობაზე გამოკითხული მოსახლეობის მესამედზე მეტი დადებით პასუხს სცემს, საჯარო დაწესებულებებში ეს მაჩვენებელი სხვაგვარია. საჯარო ინსტიტუტებში კორუფციის არსებობაზე საუბრობს მოსახლეობის 29 პროცენტი, 51 კი ამბობს, რომ არაა.

NDI-მ 20 მარტი - 4 აპრილის პერიოდში საქართველოს მასშტაბით წარმომადგენლობითი შერჩევის საფუძველზე 2 194 ადამიანი შეარჩია (გამოპასუხება 46%). კვლევა პირისპირ ინტერვიუს სახით ჩატარდა და მისი ცდომილება 2,2 პროცენტია. კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები კი CRRC-საქართველომ შეასრულა.