სამხედრო ჯგუფმა გადატრიალება წარმატებულად გამოაცხადა ადგილობრივი NTV-ს ეთერში. "ძალაუფლება სრულად ჩვენს ხელშია", - განაცხადეს მათ. ჯგუფის წევრების შესახებ დაზუსტებული ინფორმაცია ჯერ არ ვრცელდება.

თურქეთის მთავრობა ამ დრომდე უარყოფს გადატრიალებას და მას წარუმატებელ მცდელობად აფასებს.

ქვეყანაში დაიბლოკა წვდომა Twitter-ზე, Facebook-ზე და YouTube-ზე.

სტამბოლის აეროპორტებში ფრენები დროებით შეჩერებულია.

AP-ის ინფორმაციით, გადატრიალების მონაწილეებს ანკარის სამხედრო შტაბ-ბინაში თურქეთის მაღალი რანგის გენერალი მძევლად ჰყავთ აყვანილი.

სავარაუდო სამხედრო გადატრიალების შესახებ ინფორმაცია ადგილობრივი ტელეარხებით რამდენიმე საათის წინ გავრცელდა.

ადევნეთ თვალი უკანასკნელ ინფორმაციას ჩვენს ფეისბუქ-გვერდზე: NEWS.On.ge