თურქული NTV-ს ინფორმაციით, ქვეყნის პრემიერ მინისტრმა, ბინალი ილდირიმმა განაცხადა, რომ თურქეთის ხელისუფლება არ დაუშვებს სამხედრო გადატრიალების მცდელობას:

"ჩვენ განვიხილავთ გადატრიალების მცდელობის შესაძლებლობას. სამხედროთა ჯგუფმა განახორციელა არასანქცირებული ქმედებები. ჩვენმა ხალხმა უნდა იცოდეს, რომ არ დავუშვებთ არაფერს, რაც დემოკრატიას საფრთხეს შეუქმნის".

სამხედრო გადატრიალების შესახებ ცნობები მას შემდეგ გავრცელდა, რაც სამხედროებმა ბოსფორის სრუტეზე არსებული ორი ხიდი გადაკეტეს, ხოლო ანკარის თავზე დაბალ სიმაღლეზე მოძრავი სამხედრო თვითმფრინავები დააფიქსირეს.

არაოფიციალური წყაროების ინფორმაციით, სახელმწიფო გადატრიალების მცდელობაში მცირე სამხედრო დაჯგუფება იყო ჩართული. ოფიციალურ პირებს უფრო დეტალური კომენტარი ჯერ არ გაუკეთებიათ.

განახლება: სამხედრო ჯგუფმა თურქეთის გადატრიალება წარმატებულად გამოაცხადა