შინაგან საქმეთა სამინისტრომ ფსიქოტროპული აფთიაქის ჯგუფურად დაყაჩაღების ბრალდებით 2 პირი დააკავა.

შსს-ს ინფორმაციით, დაკავებულებმა ჯავახიშვილის ქუჩაზე მდებარე ფსიქოტროპული აფთიაქის გამყიდველს ცივი იარაღის მუქარით, თანხა და პირადი ნივთები გასტაცეს. ერთ-ერთმა თავდამსხმელმა ქალს მსუბუქი ჭრილობა მიაყენა. უწყების ინფორმაციით, დაშავებულს კლინიკაში სამედიცინო დახმარება გაეწია და სახლში გაწერეს.

დაკავებულების საცხოვრებელი ბინის ჭხრეკისას პოლიციამ ნაყაჩაღარი ნივთები: თანხის ნაწილი, აფთიაქის თანამშრომლის მართვის მოწმობა, მის სახელზე რეგისტრირებული ბარათები, სავარაუდოდ, დანაშაულის ჩადენის იარაღი და ის ტანსაცმელი ამოიღო, რომელიც დაკავებულებს ყაჩაღობის დროს ეცვათ.

მათ მიერ ჩადენილი დანაშაული 6-დან 12 წლამდე ვადით თავისუფლების აღკვეთას ითვალისწინებს.