თბილისში, ბარნოვის ქუჩაზე 25 წლის ქალის მკვლელობაში ბრალდებული, ვეფხია ბაქრაძე დანაშაულს აღიარებს. ამის შესახებ მისმა ადვოკატმა თბილისის საქალაქო სასამართლოში ისაუბრა.

მისი თქმით, სასამართლოში მათ აღკვეთის ღონისძიებად 20 000-ლარიანი გირაოს შეფარდება მოითხოვეს.

"ვეფხია აღიარებს ფაქტს, თუმცა არ აღიარებს იმ დამამძიმებელ გარემოებას, რის გამოც აღნიშნული კვალიფიკაცია მიიღო. ზოგადად, დამამძიმებელ გარემოებას, განსაკუთრებით სისასტიკით ჩადენილ მკვლელობას არ აღიარებს", - ამბობს დაკავებულის ადვოკატი.

13 აპრილს, თბილისში, ბარნოვის ქუჩაზე, 25 წლის გოგოს შვილების თანდასწრებით ყელი გამოჭრეს. ის ადგილზევე გარდაიცვალა.