"თუ ვიღაც დაგვაბრალებს ალიანსს ევროპულ საქართველოსთან, ამით ჩვენ პოლიტიკურად ვზარალდებით", - საპარლამენტო უმრავლესობის წევრი გედევან ფოფხაძე პრეზიდენტის ადმინისტრაციის უფროსის, გიორგი აბაშიშვილის განცხადებას პასუხობს.

გედევან ფოფხაძის თქმით, მსგავსი შეფასებები პარტიების ნეგატიურ კონტექსტში წარმოაჩენს:

"ელექტორალურადაც და ჩვენი პოლიტიკური საჯარო პოზიციიდან გამომდინარე, ჩვენ და ევროპული საქართველო კონცეპტუალურ საკითხებზე საერთო პოზიციებს ვერ უნდა ვნახულობდეთ. ანალოგიურად, ევროპული საქართველოს ამომრჩევლისთვისაც არ არის მისაღები ქართულ ოცნებასთან ერთიანობა."

გიორგი აბაშიშვილის განცხადებით, საქართველოს პრეზიდენტის წინააღმდეგ ახალი ბინძური კამპანია მიმდინარეობს. მისი თქმით, საქართველოს პარლამენტში ევროპული საქართველოსა და ქართული ოცნების მონაწილეობით ახალი საკონსტიტუციო უმრავლესობის ფორმირება დაიწყო.