14 ივლისს, პრეზიდენტის ადმინისტრაციაში კოტე ჯაფარიძის შეწყალებასთან დაკავშირებული განცხადება შევიდა. მოძრაობა თეთრი ხმაურის მოძრაობამ, განცხადებასთან ერთად, პეტიციის სახით შეგროვებული 3000-ზე მეტი მოქალაქის ხელმოწერა შეიტანა:

"თეთრი ხმაურის მოძრაობა მზადაა გვერდით დაუდგეს მოქმედი ნარკოფაშიზმის ყველა მსხვერპლს. ჩვენი მოძრაობის მთავრი მიზანი საკანონმდებლო დონეზე ცვლილება და ნარკოტის მომხმარებელთა პოლიციური წნეხისგან გათავისუფლებაა. საბოლოო მიზნის მიღწევამდე, სისტემის მარწუხებისგან დახსნილი თითოეული ადამიანის ბედი წინგადადგმული ნაბიჯია. ვიმედოვნებთ, პრეზიდენტი გაითვალისწინებს საზოგადოების მოთხოვნას, გამოიყენებს საკუთარ კონსტიტუციურ უფლებას და დაუბრუნენს კოტე ჯაფარიძეს კუთვნილ თავისუფლებას".

30 მაისს, 22 წლის კოტე ჯაფარიძეს 2 გრ ექსტაზის (MDMA) შეძენა-შენახვისთვის, თბილისის საქალაქო სასამართლომ 1 წლით თავისუფლების აღკვეთა, 25 000 ლარის ჯარიმა და 5 წელი პირობითი სასჯელი მიუსაჯა.