არასამთავრობო ორგანიზაცია ადამიანის უფლებების სწავლებისა და მონიტორინგის ცენტრი სოციალურ ქსელში შახტში გადაღებულ ვიდეოს აქვეყნებს.

EMC-ის ცნობით, კადრები მინდელის შახტში დასაქმებულმა გადაიღო. ვიდეო შახტში არსებულ ვითარებას ასახავს.

5 აპრილს, ტყიბულში, მინდელის სახელობის შახტში 6 მუშა დაიღუპა, 3 დაშავდა. გამოძიებას კითხვებზე პასუხი ამ დროდე არ გაუცია.

არასამთავრობო ორგანიზაციამ ტყიბულის შახტებში დასაქმებულთა შრომის უსაფრთხოებისა და პირობების დაცვის კუთხით 2016-2017 წლებში ჩატარებული მონიტორინგის მიმოხილვაც გამოაქვეყნა.

ინსპექტირების დეპარტამენტის მიერ გაცემულ ანგარიშში ვკითხულობთ: "შპს საქნახშირის კუთვნილ საწარმოში დასაქმებულები სამუშაო ადგილებზე იმყოფებიან ღირსებისათვის შემლახავ სამუშაო გარემოში და უხეშად ირღვევა მათი შრომითი პირობები და უფლებები. დაკისრებულ მოვალეობებს დასაქმებულები ასრულებენ შიშის ფაქტორის ზემოქმედების ქვეშ, ექსტრემალურ პირობებში".

ვრცლად ინსპექტირების დეპარტამენტის მიერ გამოვლენილ დარღვევებზე წაიკითხეთ ლინკზე.

ამავე თემაზე: ოჯახური ტრადიიციიდან ოჯახის ტრაგედიამდე - ტყიბულელი მეშახტეების ცხოვრება