ბევრმა ავიაკომპანიამ დასხმის სარაკეტო თავდასხმის საფრთხის გამო სირიის თავზე ფრენაზე უარი თქვა და მარშრუტი შეიცვალა - წერს The New York Times.

საავიაციო უსაფრთხოების ევროპულმა სააგენტომ (EASA) 11 აპრილს განაცხადა, რომ სავარაუდოსარაკეტო თავდასხმების გამო ხმელთაშუა ზღვის აღმოსავლეთ ნაწილში ფრენა საფრთხეს შეიცავს.

განცხადება სარეკომენდაციო ხასიათის იყო, თუმცა, თითქმის, ყველა ავიაკომპანიამ მარშრუტის შეცვლა გადაწყვიტა. როგორც გამოცემა წერს, სირიის თავზე ფრენაზე უარი თქვეს Lufthansa-მ, Air France-მა და easyJet-მა.

მანამდე აშშ-ის ავიაციის ფედერალურმა ადმინისტრაციამ ამერიკულ ავიაკომპანიებს სირიის თავზე ფრენა აუკრძალა.

აშშ-ის პრეზიდენტმა, დონალდ ტრამპმა განაცხადა, რომ "ძალის გამოყენებით უპასუხებს" სირიის პრეზიდენტ ბაშარ ალ-ასადს, რომელსაც აშშ და მისი მოკავშირეები აღმოსავლეთ ღუტაში ქიმიური იარაღის გამოყენებაში სდებენ ბრალს.