სტამბოლის ცენტრში მდებარე საავადმყოფოს ცეცხლი გაუჩნდა, რის გამოც შენობიდან პაციენტებისა და მომუშავე პერსონალის ევაკუაცია განხორციელდა. პაციენტების ნაწილი სხვა საავადმყოფოში გადაიყვანეს. ამის შესახებ ინფორმაციას CBS News ავრცელებს.

გამოცემის ცნობით, დაშავებულებისა და დაღუპულების შესახებ ინფორმაცია არ ვრცელდება.

ადგილობრივი მედიის ინფორმაციით, ცეცხლი საავადმყოფოს სახურავზე გაჩნდა და შენობის სხვა ნაწილებში გავრცელდა. მათივე ცნობით, იყო რამდენიმე აფეთქების ხმა.

თურქეთის მთავრობის შესაბამისი პირების განცხადებით, ცეცხლი ლიკვიდირებულია, თუმცა შენობის შიგნით დაკვამლიანება ისევ შეინიშნება.