რუსეთის ფედერაციის საბჭომ აშშ საპრეზიდენტო არჩევნებში ჩარევაში დაადანაშაულა. ინფორმაციას BBC რუსული ბიურო ავრცელებს.

2017 წლის ზაფხულში შექმნილმა სახელმწიფო სუვერენიტეტის დაცვის კომისიამ სპეციალური ანგარიში გამოაქვეყნა. 82-გერდიანი ანგარიში მოიცავს როგორც საიდუმლო, ისე საჯარო ინფომრაციას. ანგარიშის საჯრაო ნაწილი 45 გვერდს მოიცავს და საუბარია იმაზე, თუ როგორ ერევა აშშ სხვა ქვეყნებების საქმეებში: აფრიკაში, ახლო აღმოსავლეთსა და ლათინურ ამერიკაში.

ანგარიშში ნათქვამია, რომ აშშ-ში ცენტრალური სადაზვერვო სამსახურის დაარსების დღიდან არჩევნებში ჩარევის მიზნით "ბანერებს, პამფლეტებს, საფოსტო გზავნილებს იყენებს". რუსი სენატორისა და კომისიის თავმჯდომარის, ანდრეი კლიმოვის თქმით, ახლაა ამ ხერხებს ვებგვერდები და სოციალური ქსელები შეემატა.

კლიმოვს არ დაუკონკრეტებია აშშ-ის მხრიდან რაში დაინახა საპრეზიდენტო არჩევნებში ჩარევა. მას, ასევე, არ უთქვამს, კონკრეტულად ვინ არის ჩარევის მონაწილე. მან უბრალოდ აღნიშნა, რომ "სცენარისტებს შორის" ამერიკელი კონგრესმენები, მაღალი თანამდებობის პირები, სპეცსამსახურებისა და პენტაგონის თანამშრომლები არიან.

ანგარიშში ნათქვამია, რომ აშშ-მა რუსეთსი "შეკავება" მას შემდეგ დაიწყო, რაც 2007 წელ უსაფრთხოების კონფერენციაზე პუტინი გამოვიდა. მაშინ მან განაცხადა, რომ რუსეთს ყოველთვსი ჰქონდა დამოუკიდებელი საგარეო პოლიტიკის გატარების პოლიტიკა და ამ ტენდენციის ცვლილებას ის არ აპირებს.

ანგარიშის ავტორების თქმით, ამის შემდეგ "მზარდის ეროვნული სუვერენიტეტის შერყევის "უცხოური მცდელობები გაძლიერდა". ავტორების აზრით, ჩარევაში იგულისხმება ოკუპირებულ სამხრეთ ოსეთში 2008 წელს "მიხეილ სააკაშვილის რეჟიმის ხელით" რუს სამშვიდობოებზე თავდასხმა. ასევე, სანქციები, რომელიც აშშ-მა და ევროკავშირმა ყირიმის ანექსიის შემდეგ შეიმუმშავა.

რუსეთის შიდა პოლიტიკაში ჩარევასთან დაკავშირებით მონაცემებს რუსეთის შინაგან საქმეთა სამინისტროც აგროვებს.

რუსეთის ჩარევა 2016 წლის საპრეზიდენტო არჩევნებში

კოლუმბიის ფედერალურმა სასამართლომ რუსული კომპანია ინტერნეტ კვლევების სააგენტო, ე.წ. ტროლების ფაბრიკა, 2016 წელს აშშ-ის საპრეზიდენტო არჩევნებში ჩარევაში დაადანაშაულა.

იუსტიციის სამინისტროს ვებგვერდზე გამოქვეყნებულ დოკუმენტში ნათქვამია, რომ კომპანიამ ამერიკის პოლიტიკურ და საარჩევნო პროცესებში ჩარევა ჯერ კიდევ 2014 წელს დაიწყო.

განცხადებაში, ასევე, რუსეთის 13 მოქალაქის სახელი და გვარია ჩამოთვლილი, რომელიც კიბერშეტევაში დაადანშაულეს. მათ შორის არის რუსი ბიზნესმენი ევგენი პრიგოჟინი, რომელიც ე.წ. ტროლების ფაბრიკას აფინანსებდა. დოკუმენტში ნახსენებია ბიზნესმენის ორი კომპანია Concord Management and Consulting და Concord Catering, რომლებიც ასევე აფინანსებდნენ ორგანიზაციას.

"ისინი იყენებდნენ ოპერაციებს ძირითადად იმისათვის, რომ გაევრცელებინათ შეურაცხმყოფელი ინფორმაცია ჰილარი კლინტონის შესახებ, ასევე, ისეთი კანდიდატების შესახებ, როგორებიც არიან ტედ კრუზი და მარკო რუბიო. ხოლო მხარი დაეჭირათ ბერნი სანდერსისთვის და იმამინდელი კანდიდატისთვის, დონალდ ტრამპისთვის", - ნათქვამია განცხადებაში.