YouTube-ის სათავო ოფისში სროლის შედეგად, ბოლო ინფორმაციით, ოთხი ადამიანია დაჭრილი, თავდასხმაში ბრალდებული კი მოკლულია.

პოლიციის განცხადებით, ქალი, რომელიც სან-ბრუნოში, იუთუბის სათავო ოფისში შეიჭრა, საკუთარი თავისთვის მიყენებული ჭრილობებით გარდაიცვალა.

CNN სამართალდამცავებზე დაყრდნობით წერს, რომ სავარაუდო თავდამსხმელი დაჭრილებიდან ერთ-ერთს იცნობდა. 3 ადამიანი საავადმყოფოშiა გადაყვანილი.

შენობაში სროლის შესახებ, თავდაპირველად იუთუბის თანამშრომლებმა ტვიტერზე დაწერეს. პოლიციამ ადგილზე მისვლის შემდეგ, ცეცხლი გახსნა და იყო ორმხრივი სროლა. შენობა ამ დროისთვის სრულად ევაკუირებულია.

სროლას ტვიტერზე გამოეხმაურა ამერიკის შეერთებული შტატების პრეზიდენტი, დონალდ ტრამპი:

"ცოტა ხნის წინ მაცნობეს YouTube-ის სათავო ოფისში მომხდარი შემთხვევის შესახებ. თანაგრძნობას ვუცხადებთ ყველას, ვინც ინციდენტს შეესწრო. მადლობა ჩვენს ფენომენალურ სამართალდამცავებს და მათ, ვინც ადგილზე პირველები მივიდნენ.".

Youtube-ის სათავო ოფისი სან-ფრანცისკოდან 16 კილომეტრითაა დაშორებული. კომპანიას რამდენიმე ასული თანამშრომელი ჰყავს, ასე რომ, დაუდგენელია, მათგან რამდენი მუშაობს სათავო ოფისში.