ახალი თავმჯდომარის არჩევის შემდეგ ბორჯომის საკრებულოსა და მერიაში ხელფასები გაზარდეს. გადაწყვეტილება საკრებულომ დღეს, 2 აპრილს მიიღო.

ბორჯომის საკრებულოს ახლადარჩეული თავმჯდომარის გიორგი გოგიჩაიშვილის თქმით, ხელფასები მოემატათ საკრებულოს და მერიის რიგით თანამშრომლებს და სამსახურის ხელმძღვანელებს.ბორჯომის მერის და საკრებულოს თავმჯდომარის ხელფასები კი უცვლელი დარჩა.

საკრებულოს თავმჯდომარე განმარტავს, რომ საკრებულოში და მერიაში ხელფასები საშუალოდ 300 ლარით გაიზარდა.ცვლილებების შემდეგ სამსახურების ხელმძღვანელების ხელფასები მესამედით გაიზარდა და 1 550 ლარის ნაცვლად 2 000 გახდა.

საკრებულოს დღევანდელ სხდომაზე აირჩიეს ახალი თავმჯდომარე პატრიოტთა ალიანსის წარმოამდგენელი გიორგი გოგიჩიაშვილი. მან თანაპარტიელი ზაზა ჩაჩანიძე შეცვალა, რომელიც ეწინააღმდეგებოდა ხელფასების გაზრდას.

ბორჯომის მერიის და საკრებულოს თანამშრომელთათვის ხელფასების ზრდა იყო საკრებულოში მომხდარი არეულობების და ჩაჩანიძის თანამდებობიდან გადაყენების მიზეზი.