ახლა მოისმენთ იღბალსა და ბედისწერაზე საოცარ ისტორიას, რომელიც კამერასა და მის მფლობელ ფოტოგრაფზეა.

2015 წლის სექტემბერში, როდესაც ტაივანის სანაპიროზე ფოტოგრაფს კამერა ხელიდან გაუვარდა და ის ტალღამ ძალიან სწრაფად გაიტაცა, მან გადაწყვიტა, რომ საყვარელი მოწყობილობა სამუდამოდ დაკარგა.

თუმცა სინამდვილეში კამერამ უბრალოდ სამოგზაუროდ გაცურა. ასობით კილომეტრის გავლის შემდეგ, უკან დაბრუნებული 11 წლის მოსწავლემ აღმოაჩინა, რომელიც სანაპიროს კლასელებთან ერთად ასუფთავებდა.

ის ერთი შეხედვით ქვას გავდა, რადგან მთლიანად წლის მცენარეებითა და ნიჟარებით იყო დაფარული.

ბიჭუნას მასწავლებლის თქმით, ის მათ დაკარგული ეგონათ, თუმცა როდესაც ღილაკს დააჭირეს, აღმოჩნდა, რომ მისი ბატარეაც კი გადარჩენილი იყო. მათ კამერაში ძველი ფოტოებიც აღმოაჩინეს, რომელიც 2015 წლით თარიღდებოდა.

მასწავლებელმა ფეისბუქის დახმარებით უცნობი მფლობელის პოვნა გადაწყვიტა და ზუსტად ერთ დღეში მიაგნო.

"უბრალოდ დაუჯერებელი ამბავია, გაოცებული ვიყავი, როცა მეგობარმა ფეისბუქზე ნანახი პოსტის შესახებ მითხრა. ძალიან ბედნიერი ვარ, რომ ადამიანები ასე კარგად მომექცნენ, უამრავი მოგონება ამომიტივტივდა", - უთხრა ფოტოგრაფმა BBC-ს.

ფოტოგრაფი ტაივანში ზაფხულში დაბრუნდება, მოსწავლეებსა და მასწავლებლებს მადლობას გადაუხდის და დაკარგულ კამერასაც დაიბრუნებს.