დღეს, 31 მარტს საქართველოს დამოუკიდებლობის აღდგენის შესახებ ჩატარებული რეფერენდუმიდან 27 წელი გავიდა. 1991 წლის 31 მარტს, საქართველოს ეროვნულმა ხელისუფლებამ, უზენაესი საბჭოს თავმჯდომარის, ზვიად გამსახურდიას ხელმძღვანელობით, ჩაატარა რეფერენდუმი სახელმწიფოებრივი დამოუკიდებლობის საკითხზე.

რეფერენდუმი მთელი საქართველოს მასშტაბით ჩატარდა, მათ შორის აფხაზეთის ავტონომიურ რესპუბლიკასა და ცხინვალის რეგიონში. რეფერენდუმში მონაწილეობა 3,3 მილიონზე მეტმა ადამიანმა მიიღო, რაც ამომრჩევლის 90 პროცენტზე მეტი იყო. საქართველოს დამოუკიდებლობის აღდგენას მხარი რეფერენდუმზე მისული ადამიანების თითქმის 90-მა პროცენტმა დაუჭირა.

რეფერენდუმის შედეგებით, 1991 წლის 9 აპრილს საქართველოს რესპუბლიკის უზენაესმა საბჭომ საქართველოს სახელმწიფოებრივი დამოუკიდებლობის აღდგენის აქტი მიიღო.

ამავე თემაზე: