ჰოლივუდის ვარსკვლავის, კამერონ დიაზის სამსახიობო კაერიერის დასრულების შესახებ ცნობები მისმა უახლოესმა მეგობარმა, სელმა ბლერმა რამდენიმე კვირის წინ გაავრცელა.

ბლერის თქმით, კამერონი ეკრანზე გამოჩენას აღარ აპირებს და მთელს დროს ოჯახს დაუთმობს.

"წლების წინ ერთ-ერთ ფილმში ერთად ვმონაწილეობთ. მე მას გაგრძელებაში მონაწილეობა შევთავაზე, თუმცა კამერონმა მითხრა, რომ ეს არ სურდა, რომ დაიღალა და კინოკარიერა უკვე დაასრულა. ზუსტად ვიცი, რომ იმით რაც აქვს, უზომოდ ბედნიერია და კინოში თამაში აღარ სჭირდება. არ ვიცი რა უნდა მოხდეს, რომ ის ისევ დაბრუნდეს ეკრანზე", - ამბობს ბლერი.

ამ ამბავს მედიაში დიდი მითქმა-მოთქმა მოჰყვა, ამით შეწუხებულმა კამერონმა კი გადაწყვიტა საბოლოოდ გაეცა პასუხი და თემა ერთხელ და სამუდამოდ დაეხურა.

"საბოლოოდ არ მაქვს გადაწყვეტილი რას ვიზამ. ვგულისხმობ იმას, რომ ფიქრისთვის კიდევ მჭირდება დრო. მსახიობობა ცოტა არ იყოს დამღლელია ჩემთვის, თუმცა ვნახოთ, ყველაფერი შეიძლება მოხდეს", - ამბობს მსახიობი.

კამერონ დიაზის მონაწილებით ბოლო ფილმი, Annie, ეკრანებზე 2014 წელს გამოვიდა.