1998 წლის მსოფლიოს საფეხბურთო ჩემპიონატის გამარჯვებულის ბიშენტე (ბიკსანტ) ლიზარაზუს აზრით, პოგბა მანჩესტერში წინ ვეღარ მიიწევს და ვეღარ ვითარდება.

"ვხედავ, რომ მისი და მოურინიოს ურთიერთობა არც თუ ისე კარგია".

"როცა იგი იუვენტუსში იყო, პროგრესირებდა. ჩემი აზრით, მანჩესტერში ასე აღარ ხდება და ეს პრობლემაა, რადგან ჩვენ არც მისთვის და არც საფრანგეთის ეროვნული ნაკრებისთვის არ გვსურს, რომ იგი ამ დონეზე დარჩეს".

ლიზარაზუს თქმით, პოგბას ნამდვილად შეუძლია, რომ წინსვლა განაგრძოს:

"დიახ, მას უკეთ თამაში შეუძლია და რთული სათქმელია, თუ რატომ არ ხდება ასე".

"ცხადია, მოურინიოსთან ურთიერთობა და მის მიდგომებთან მიჩვევა საკმაოდ რთულია" - აღნიშნა ლიზარაზუმ.