დავით აღმაშენებლის გამზირზე, N26-ში სარესტავრაციო სამუშაოების განხორციელების დროს, კედლების დამუშავებისას, სადარბაზოს მე-3 სართულზე ფრაგმენტი გამოჩნდა - წყლის პირას მჯდომი იაპონელი ქალი.

მერიის განცხადებით, სპეციალისტების შეფასებით, კედელზე გამოსახული სიუჟეტი პროფესიონალი მხატვრის მიერ არის შესრულებული, თუმცა ავტორის ვინაობა უცნობია.

ფოტო: თბილისის განვითარების ფონდი / Tbilisi Development Fund

ფოტო: თბილისის განვითარების ფონდი / Tbilisi Development Fund

სარესტავრაციო სამუშაოებს დავით აღმაშენებლის გამზირზე თბილისის განვითარების ფონდი პროექტ ახალი ტფილისის ფარგლებში, ახორციელებს.

თბილისის განვითარების ფონდმა აღმაშენებლის გამზირის რეაბილიტაცია მარჯანიშვილის მოედნიდან მშრალ ხიდამდე მონაკვეთზე 2016 წლის თებერვალში დაიწყო და მაშინ პროექტისთვის 21 მილიონი ლარი გამოიყო.

თბილისის განვითარების ფონდი დავით აღმაშენებლის გამზირის რეაბილიტაციისთვის დამატებით 9 250 000 ლარს ითხოვს. როგორც თავად აცხადებენ, პროექტისთვის თავდაპირველად გამოყოფილი 21 მილიონი ლარი საკმარისი არ აღმოჩნდა.

რატომ ითხოვენ დამატებით 9 მილიონს აღმაშენებლის გამზირის რეაბილიტაციისთვის