კახეთის რეგიონში აზიური ფაროსანას მონიტორინგის სისტემებს ამონტაჟებენ. სურსათის ეროვნული სააგენტოს ინფორმაციით, რეგიონის მუნიციპალიტეტებში 1 300 ცალი სპეციალური დამჭერი ხაფანგი განთავსდება.

უწყებაში ამბობენ, რომ მონიტორინგის მეშვეობით მოხდება მავნებლის იდენტიფიცირება და გავრცელების არეალის დადგენა. შედეგების მიხედვით, დაიგეგმება მავნებლის საწინააღმდეგო ღონისძიებები.

სურსათის ეროვნული სააგენტოს ინფორმაციით, 2017 წელს აზიური ფაროსანას მონიტროინგის მიზნით, მთელი ქვეყნის მასშტაბით 21 ათასი დამჭერი ხაფანგი-ფერომონი განთავსდა. შეიქმნა ინტერაქტიული რუკა, სადაც აისახება მონაცემები. 2018 წლის სახელმწიფო სტრატეგიის შესაბამისად, მასშტაბური მონიტორინგი წელსაც ჩატარდება.