საქართველოს ბანკის რუსთავის ფილიალის დაყაჩაღების საქმეზე, პირს ხუთიდან შვიდ წლამდე პატიმრობა ემუქრება. შინაგან საქმეთა სამინისტროში ამბობენ, რომ გუშინ, 26 თებერვალს ბანკის დაყაჩაღების საქმე ცხელ კვალზე გახსნეს და ერთი პირი დააკავეს.

"სამართალდამცველებმა, რომლებიც საქართველოს ბანკის ექსპრესფილიალის მიმდებარე ტერიტორიაზე სამსახურებრივ მოვალეობას ასრულებდნენ, თავდამსხმელი შემთხვევის ადგილზევე განაიარაღეს და დააკავეს. პოლიციამ დანაშაულის ჩადენის იარაღი - გადაჭრილი ორლულიანი თოფი, ნიღაბი და ხელთათმანები ნივთმტკიცებად ამოიღო", - აღნიშნულია შსს-ს განცხადებაში.