კვირას, ნიუ-იორკში გამართულ მარშს სახელწოდებით "ჩვენი სიცოცხლისთვის" პოლ მაკარტნი დაესწრო. ამის შესახებ ინფორმაციას CNN ავრცელებს. როგორც მუსიკოსმა გამოცემას უთხრა, ეს პროტესტი მისთვის მნიშველოვანია, რადგან Beatles-ის წევრი, მუსიკოსი ჯონ ლენონი, სწორედ, იარაღით ძალადობას ემსხვერპლა.

პოლ მაკარტნის ეცვა მაისური წარწერით: "ჩვენ შეგვიძლია დავასრულოთ იარაღით ძალადობა".

"არ ვიცი, შეგვიძლია თუ არა დავასრულოთ იარაღით ძალადობა. მაგრამ პროტესტი არის ის, რისი გაკეთებაც ნამდვილად შეგვიძლია, ამიტომ მოვედი აქ. ერთ-ერთი ჩემი საუკეთესო მეგობარი იარაღით მოკლეს. ამიტომ ეს მარში ჩემთვის მნიშვნელოვანია", - თქვა პოლ მაკარტნიმ.

Beatles-ის წევრი ჯონ ლენონი 37 წლის ასაკში ნიუ-იორკში მოკლეს. ლენონი და მისი ცოლი იოკო ონო მანჰეტენზე მდებარე ბინაში ბრუნდებოდნენ, როცა მუსიკოსს მარკ დევიდ ჩეპმენმა ესროლა.

იარაღის შესყიდვის წესების გამკაცრების მოთხოვნით, აშშ-ს ქალაქებში მოსწავლეთა მასობრივი მსვლელობები მიმდინარეობს. მოსწავლეები იარაღის კონტროლის კანონებს აპროტესტებენ.

მსვლელობები ფლორიდის საშუალო სკოლაში შეიარაღებული თავდასხმას უკავშირდება, რა დროსაც 17 ადამიანი გარდაიცვალა.